شنت جماهير نادي الحكمة اعنف هجمات على مدرب الفريق فؤاد ابو شقرا عبر مواقع التواصل الاجتماعي وصفحات الجمهور مطالبة برحيله بعد الفشل الفني الذريع الذي يعيشه فريق النادي في كرة السلة خصوصاً بعد الخسارة امام المتحد طرابلس الذي لعب امام الحكمة بلاعبين اجنبيين ومن دون مدربه الموقوف!!!
وتضمنت تعليقات المشجعين على مختلف الصفحات ومنها الصفحة الرسمية للنادي اعنف الهجمات على ابو شقرا مطالبة اياه بالرحيل والإدارة بإتخاذ موقف مشرف بعد الرقم القياسي من الخسارات التي لم يشهد النادي مثيلاً لها في تاريخه!
وينشر موقع “ملاعب” بعض التعليقات كما وردت حرفياً.
* ” # عار# فشل كبير#مهزلة لعيبة جديدة، اجانب جديدة، إدارة جديدة بعد في شغلة بدا تغيير، كلكن عرفتو شيلو المحبة وحطو الحكمة اولاً كل حكمة وانتو سالمين، تعودنا عالخسارة”.
* “انو عن جد كتير هيك، عم نلعب ضد فريق باجنبيين والكوتش تبعو موقوف… كمان ونخسر شي ما بينطاق، هلق شو الحجة يا فوفو الوحش”
* ” بليز حدا يفهم المدرب القدير فؤاد ابو شقرا إذا بدو يعمل رقم قياسي لازم يعملو بإنهاء البطولة من دون خسارة مش ينهي البطولة بخسارة 20 ماتش. حبيبي فوفو فهمان الموضوع غلط”.
* ” معقولة نوعى الصبح على خبر تغيير اجانب بصفوف نادي الحكمة قبل مباراة الدربي المنتظرة يوم الجمعة بغزير؟”
* هزائم متتالية بحيث ادمنا الهزائم واغرمنا بالاعذار واصبحنا اكبر جمهور والجمهور الوحيد المتعلق بالهزائم كرمى لعين شخص وتاريخه خارج اسوار النادي، فلم ياتي للأخضر إلا بالهزائم ولوم الجميع من لاعبين وإداريين وقد يطال لومه الجمهور إذا اقتضى الامر، عذراً لخسارة جديدة… والغريب كل الغرابة ان كل اللاعبين الاجانب واللبنانيين فجاة وبسحر ساحر يفقدون مهارتهم تحت وصايته ويبدعون في غير فرق والامثلة بالاطنان… تتعرض الحكمة لأسوأ نكبة في تاريخها، ونحن نبرر… يتم تشويه تاريخ الاخضر ونحن نبرر. المطلوب بعد فرصة للمدرب؟؟؟ هو اسأله اين كرامتك؟؟ اين تاريخك من حاضرك؟”
*إذا بدكن الحكمة ترجع عالسكة الصحيحة غيرو المدرب، باسوأ الحالات مش حنخسر شي، يللي عم بيدافعو عن المدرب ما تنسو إلو من 2012 مع الفريق طب انسوا هيديك السنة ويللي قبلها.. شو صار معو لما خسر نهائي وكان اسماعيل اجنبي وموقوف من الاتحاد كمان. لو بدا تشتي غيمت، الحكمة مش ملك حدا وفي 100000 مدرب ومدرب”.
* ما بعرف ليش كل واحد منكن عم يهاجم فؤاد يا جماعة الزلمي جاب دورة دبي بس بـ 4 لاعبين اجانب على ارض الملعب من أصل 5، انجاز مش انجاز يا متعلمين يا بتوع المدارس”.
* يعني عن جد كتير هيك بتصور يروحو ينسحبو ازبط وبلا بهدلة بقا لانو كتير هيك”.
* يللا هلق فوفي بيجيب اجنبي جديد… مش عم يعرف المشكلة انو منو”.
* ” يا من صنعت الامجاد المزيفة على اكتاف المجنسين، فقدت المجنسين وفقدت امجادك المزيفة فأرحل بالله عليك”.
وجاء تحت صورة للمدرب على إحدى الصفحات ” عد من حيث اتيت”.
لمتابعة الخبر اضغط على موقع اضغط علىالرابط التالي
